का होगे तोला बही ३६गढ़ी गीत रचना

का होगे तोला बही

का होगे तोला बही अबतो पहली सहीं!!२!!
मोर संग तैंहा गोठयावस नही ओ!!
तोला मिले बर बलाथों तैंहा आवस नही ओ!!२!!

कइसे संगी तोर बदलगे का इरादा!!
भुलागे का ओ तैंहा मोरले करे वादा!!२!!
काबर मोला तैंहा दिवाना बनाये संगी!!
मोला देख काबर मुस्कावस नही ओ!!
तोला मिले बर.............

पहली अब्बड़ तैंहा करस मोरसे बात ओ!!
मोर बिन तोर नई कटय दिन रात ओ!!२!!
मुह ला काबर तैंहा मोर संग मोड़ लेहे!!
मोला काबर बिजरावस नही ओ!!
तोला मिले बर.............

मैं हँव गरीब तेकरे करत हस इनकार ओ!!
जान दारेंव मैंहा गोरी तोर मन के विचार ओ!!२!!
आनी बानी करत हस तैंहा बहाना ओ!!२!!
तोर मन के बात ला बतावस नही ओ!!
तोला मिले बर..............
✒अनिल सलाम